अहमदनगर- श्रीगोंदा तालुक्यातून नगर शहरातील केडगाव उपनगरात काकाकडे शिक्षणासाठी आलेल्या अल्पवयीन मुलीला अज्ञात व्यक्तीने पळवून नेले आहे. सोमवारी ही घटना घडली असून कोतवाली पोलिसांनी या प्रकरणी तक्रार दाखल करून घेतली आहे.
पीडित अल्पवयीन मुलीच्या वडिलाने याप्रकरणी फिर्याद दाखल केली आहे. शाळेत जाण्यासाठी सकाळी सात वाजता सदरची मुलगी घराच्या बाहेर पडली होती. ती शाळेतही आली नसल्याचे शिक्षकाने सांगितले. यानंतर मुलीला पळवून नेल्याची तक्रार वडिलांनी पोलिसांत दिली आहे.
फिर्यादी यांची मुलगी त्यांच्या केडगाव येथील मेव्हण्याकडे शिक्षणासाठी राहत होती. ती सोमवारी सकाळी सात वाजता शाळेत जाण्यासाठी घराच्या बाहेर पडली. परंतू ती त्या दिवशी घरी न आल्याने फिर्यादी यांनी तिचा सर्वत्र शोध घेतला.
त्या दिवशी ती शाळेत गेली नव्हती. तिचे कोणीतरी अज्ञात व्यक्तीने अपहरण केले असल्याचे दिलेल्या तक्रारीत म्हटले आहे.
